Hér eru nýjustu fréttir frá umf. Fram á Skagaströnd.
Skíðaskálinn í Spákonufelli; upphaf og bygging
„Vorið 1984 hófust áhugamenn handa við að byggja Skíðaskálann á Skagaströnd. Á myndinni er skálinn fullbyggður og sólpallur kominn við suðurhlið hans. Vegna mikils vindálags, sem oft getur verið við skálann, var ekki haft þakskegg að austanverðu til að minnka hættuna á að þakið fyki af."
Ljósmynd: Ingibergur Guðmundsson, Ljósmyndasafn Skagastrandar.
Skíðaskáli ungmennafélagsins Fram á sér skemmtilega sögu. Skálinn var byggður á einu ári, gerður fokheldur um haustið 1984 og síðan innréttaður um veturinn og vorið 1984-1985. Skálinn var að langmestu leyti byggður í sjálfboðavinnu. Skíðaskálinn er ennþá notaður fyrir afmæli, fundi, útskriftaferðir úr leikskólanum Barnabóli og fleira. Hann er einnig í útleigu sem gistiaðstaða á sumrin og á veturna ef það er ekki ófært þangað uppeftir vegna snjóþyngsla. Greinin byggir eingöngu á texta úr Ljósmyndasafni Skagastrandar.
ÁFram Atwork – Skagastrandarhlaupið 2026
Sunnudagurinn 19. júlí 2026, kl. 14:00
Skagastrandarhlaupið er samvinnuverkefni ATWORK og umf. Fram og allur ágóði rennur til ungmennafélagsins.
Vegalengdir
| Hlaup | Tími |
|---|---|
| ATWORK MEGA TRAIL – 13,5 km utanvegahlaup | Kl. 14:00 |
| 5 km og 10 km götuhlaup | Kl. 14:10 |
| 1 km skemmtisokk | - |
ATWORK MEGA TRAIL er ræst frá höfninni og leiðin liggur upp að Spákonufelli, hringinn í kringum fellið og til baka að höfninni. 5 km og 10 km hlaupið er einn og tveir hringir um götur Skagastrandar. 1 km skemmtisokk er kjörið fyrir yngstu hlauparana en foreldrar eru hvattir til að hlaupa við hlið barna sinna.
Ný stjórn Umf. Fram
Aðalfundur umf. Fram var haldinn 20. febrúar og var kjörin ný stjórn. Fráfarandi stjórn umf. Fram gengur stolt frá borði og réttir lyklana áfram í hendur nýrrar stjórnar.
Við þökkum Péturínu, Ástrós Villu og Helenu Möru fyrir ómetanlegt starf og allt sem þær hafa lagt af mörkum í þjónustu félagsins.
Kærar þakkir til allra iðkenda, þjálfara, foreldra og velunnara - án ykkar væri ekkert ungmennafélag.
Fráfarandi stjórn óskar nýkjörinni stjórn velfarnaðar í öllum þeirra störfum.