Hér eru nýjustu fréttir frá umf. Fram á Skagaströnd.
Skagastrandarhlaupið nálgast – brautirnar eru tilbúnar
Þrjár vikur eru eftir í Skagastrandarhlaupið! Minnum á skráningu á netskraning.is/skagastrandarhlaupid. Nú hafa allar brautir verið mældar og birtum við hér kort af leiðunum svo hægt sé að kynna sér þær, eða prófa þær, áður en keppnin hefst 19. júlí. Fjórar vegalengdir eru í boði:
- Götuhlaup: 5 og 10 km
- AtWork Megatrail: 18 km
- Útbæjarhlaupið: Tæpur kílómetri, ætlað fyrir börn og fullorðna
Fyrsta vika sumarsins
Fyrsta vikan af sumarnámskeiðum fór vel af stað. Tóti mætti með Knattspyrnuakademíu Norðurlands og hélt stuttar tveggja æfinga búðir á sparkvellinum. Hann flutti seinni æfinguna inn í íþróttahús í skjól fyrir rigningunni á þriðjudaginn.
Dagana eftir héldum við skólagarða þar sem gróðurkassar voru gerðir úr úreldum fiskikörum. Skólagarðarnir eru nýtt og spennandi verkefni frá henni Judith. Þeir voru vel sóttir og viljum við þakka þeim Daníelu, Ílónu, Karen í Víkum, Sibba, Slavko og Öllu í Ásgarði fyrir efni og aðstoð.
Sumardagskrá 2026 – Skráning hafin
Sumarnámskeiðin hefjast strax í næstu viku á sparkvellinum með Knattspyrnuakademíu Norðulands og svo verður Judith með litla skólagarða á skólalóðinni. Hún mun svo sjá um uppskeruna þegar að því kemur. Kristbjörg Dúfa heldur listasmiðju í kjallaranum á Einbúastíg 2 þar á eftir.
Það er alltaf gaman fyrir krakkana að gera marga ólíka hluti yfir sumarið bæði úti og inni. Námskeiðin eru breytileg ár frá ári en sumir póstar standa sama hvað; kofasmíðin og björgunarsveitin sem er eiginlega rósin í hnappagatinu hjá okkur. Rúsínan í pylsuendanum er svo kayaknámskeiðið í ágúst.